Paşinyan rəsmən baş nazir postuna namizəd oldu

Paşinyan rəsmən baş nazir postuna namizəd oldu
  30 Aprel 2018    Oxunub:1477
Ermənistan parlamentində təmsil olunan “Çıxış” fraksiyası baş nazir postuna Nikol Paşinyanın namizədliyini irəli sürüb.

AzVision.az erməni KİV-nə istinadən xəbər verir ki, bu barədə deputat Edmon Marukyan “Facebook” səhifəsində yazıb.
Qeyd edək ki, baş nazirin seçilməsi məsələsi mayın 1-də Ermənistan parlamentinin xüsusi iclasında müzakirə olunacaq. Hakim Respublika Partiyasının parlament fraksiyası baş nazir postuna namizəd irəli sürməyəcəyini bəyan edib. Fraksiyanın rəhbəri Baqram Baqdasaryan vurğulayıb ki, parlamentdə təmsil olunan digər üç siyası güc bir namizəd irəli sürəcək. Partiya mayın 1-də baş nazir seçilməsinə mane olmayacaq.

“Çıxış” partiyası Nikol Paşinyanın namizədliyini irəli sürüb. Ermənistan İnqilab Federasiyası, Daşnaksutyun (EİFD) Nikol Paşinyanın namzidəliyini təklif edib. “Çarukyan” fraksiyası isə “xalqın namizədi”ni dəstəkləməyə qərar verib.



Ermənistan parlamentində Respublikaçıların 58, “Çarukyan”ın 31, “Çıxış”ın 7, EİFD-nin isə 7 mandatı var. Baş nazirin seçilməsi üçün 53 mandatın səsi lazımdır.

Eldar Tanrıverdiyev
AzVision.az



Teqlər: Ermənistan   parlament  



Xəbər lenti


Azvision.az ©2014 | Bütün hüquqları qorunur