Müavinləri Nalbandyanı satdı

Müavinləri Nalbandyanı satdı
  09 May 2018    Oxunub:2075
“Nikol Paşinyanın rəhbərliyi dövründə Ermənistanın xarici siyasətində praktiki olaraq heç nə dəyişməsə də, bundan sonra üstünlük ləyaqətli əlaqələrin qurulmasına veriləcək. Yəni balanslaşdırılmış xarici siyasət kursu dəstəklənir. Amma bu kurs ikitərəfli və çoxtərəfli formatlarda maraqlarımızın təşviqi və bərabərliyə nail olmağımız üçün daha ləyaqətli və davamlı olmalıdır”.
AzVision.az erməni mətbuatına istinadən xəbər verir ki, bu sözləri Ermənistan xarici işlər nazirinin müavini səlahiyyətlərini icra edən Şavarş Koçaryan jurnalistlərə açıqlamasında deyib.

Diplomat bildirib ki, Ermənistan XİN-in müavinləri yeni seçilmiş baş nazir Nikol Paşinyanın komandası ilə işləməyə hazırdır. “Dövlət qulluqçuları ayrıca şəxslərə yox, dövlət üçün işləyirlər. Və əgər mənim xidmətim səmərəlidirsə,işimə davam etməyə hazıram”- deyə Koçaryan bildirib.



Koçaryanın bu açıqlaması birmənalı qarşılanmayıb. Erməni ekspertlərin fikrincə, yeni hökumət keçmiş baz nazir Serj Sarkisyanın eyni vaxtda iki stula əyləşmək səhvini təkrarlayaraq Qərblə əlaqələri inkişaf etdirməyə çox meyl etsə, bu, Ermənistana sabitlik gətirməyəcək. Çünki “balanslaşdırılmış xarici siyasət” Ermənistana hərtərəfli nəzarət edən Moskvanı qıcıqlandıra bilər.

AzVision.az


Teqlər:





Xəbər lenti


Azvision.az ©2014 | Bütün hüquqları qorunur