"Ukrayna ilə məsləhətləşmələrə hazırıq" - Lavrov
Lavrovun sözlərinə görə, Rusiya tərəfi dəfələrlə bildirib ki, müəyyən olunmuş həcmdə Ukrayna ərazisindən qaz tranzitinin saxlanılmasına qarşı deyil.
"Başlıca məsələ odur ki, bunun iqtisadi əsası olsun, siyasi məsələ kimi sırınmasın. Belə olarsa, biz Ukrayna tərəfi ilə məsləhətləşmələrə hazırıq. Bu gün almaniyalı həmkarımıza da bunu söylədik" - deyə Lavrov bildirib.
Onun fikrincə, "Şimal axını-2" qaz kəməri Avropa üçün tamamilə iqtisadi əsaslı və faydalı layihədir. Çünki bu qaz kəməri hazırda Ukraynadan Almaniyaya çəkilən kəmərdən iki dəfə qısadır. Bu baxımdan tranzitin qiyməti indikindən ucuz olacaq.
Qeyd edək ki, ABŞ Almaniyanın Rusiya ilə "Şimal axını-2" qaz razılaşmasını imzalamasına qəti etiraz edir və iddia edir ki, bununla Avropanın Rusiyadan qaz asılılığı daha da artacaq.
Leyla Elbrusqızı
AzVision.az
Teqlər: Rusiya Şimal-Axını Lavrov