Putin Makronla Trampın qərarını müzakirə edib

  15 May 2018    Oxunub : 341
Putin Makronla Trampın qərarını müzakirə edib
Rusiya prezidenti Vladimir Putin fransalı həmkarı Emmanuel Makronla telefonla danışaraq, ABŞ-ın İranla nüvə sazişindən çıxması ilə bağlı məsələni müzakirə edib.
AzVision.az xəbər verir ki, bu barədə Kremlin mətbuat xidmətinin yaydığı məlumatda bildirilib.

“Vladimir Putin və Emmanuel Makron Suriya böhranının tənzimlənməsi məsələsinə dair fikir mübadiləsi aparıblar. Prezidentlər, həmçinin, ABŞ-ın İranın nüvə proqramı üzrə hərtərəfli müştərək fəaliyyət planından birtərəfli qaydada çıxmasından sonra yaranan vəziyyətə xüsusi diqqət ayırıblar. Hər iki dövlət başçısı bu razılaşmanın yerinə yetirilməsinin tərəfdarı olduğunu təsdiqləyib” – deyə məlumatda qeyd olunub.

Bundan əlavə söhbət zamanı Makronun Peterburq beynəlxalq iqtisadi forumda iştirakı üçün Rusiyaya səfəri də müzakirə edilib.

Leyla Elbrusqızı
AzVision.az

Teqlər: Rusiya   Putin   Makron