Avropa İttifaqı İrana görə dollardan imtina edib

Avropa İttifaqı İrana görə dollardan imtina edib
  16 May 2018    Oxunub:2054
Avropa ittifaqı İrandan alacağı neftin ödənişini ABŞ dolları ilə deyil, avro ilə həyata keçirəcək.
AzVision.az xəbər verir ki, bu barədə "RİA Novosti"yə Brüsseldəki diplomatik mənbə məlumat verib.

Avropa Komissiyasından isə bildiriblər ki, 19-20 mayda Avropa İttifaqının enerji və iqlim məsələləri üzrə komissarı Migel Ariasa Kanyete İrana səfər edəcək. Səfərin məqsədi İranla enerji sahəsindəki əməkdaşlığı müzakirə etməkdir.

Qeyd edək ki, İran, Fransa, Almaniya və Böyük britaniyanın xarici işlər naziri, BMT vasitəçiləri və Avropa ittifaqının xarici siyasət və təhlükəsizlik məsələləri üzrə ali nümayəndəsi Federika Mogerinin iştirak etdiyi Brüssel danışıqlarında ABŞ sanksiyalarına rəğmən, Tehranla iqtisadi-ticari, enerji, maliyyə və nəqliyyat sahəsində əməkdaşlığın davam etdirilməsinə dair razılığa gəlinib.

Leyla Elbrusqızı
AzVision.az


Teqlər:   İran   Dollar  





Xəbər lenti