NATO Rusiya ilə sərhədə qoşun göndərir

  22 May 2018    Oxunub : 402
NATO Rusiya ilə sərhədə qoşun göndərir
İyunun 6-dan 9-dək Litva ərazisində NATO təlimlərinin keçirilməsi üçün bu ölkəyə 3000 hərbçi və 1500-dək hərbi texnika gətiriləcək.
AzVision.az xarici mətbuata istinadən xəbər verir ki, hərbi texnika buradan Şimali Atlantika Alyansının Latviya və Estoniyada təşkil olunacaq təlimlərinə cəlb olunacaq. Litva NATO üzrə müttəfiqlərini cəlb etməklə, iyun ayında “Perkuno griausmas 2018” - ən iri milli taktik təlimlərini keçirmək niyyətindədir.

Qeyd edək ki, may-iyun aylarında Litvanın ərazisində 6600 əcnəbi hərbçinin iştirakı ilə “Saber Strike 2018” irimiqyaslı regional manevrlər planlaşdırılır. Təlimlərin keçirilməsi ilə bağlı parlamentlə razılığa gəlinib, çünki hökumətin səlahiyyəti Litvaya başqa ölkələrdən 1600 hərbçinin buraxılması ilə məhdudlaşır.

AzVision.az

Teqlər: NATO   Rusiya