Ermənistan XİN: “Münaqişənin tezliklə həllinə ümid edirik”
AzVision.az erməni KİV-lərinə istinadən xəbər verir ki, bunu Ermənistanın yeni xarici işlər naziri Zoqrab Mnaçakanyan jurnalistlərə açıqlamasında deyib.
“Hamımız münaqişənin tezliklə həllinə ümid edirik, amma bu həll bizim maraqlarımız və məqsədlərimizi əks etdirməlidir. Təbii ki, söhbət kompromisdən gedir. Amma onun əsasında ilk növbədə Qarabağ əhalisinin iradə azadlığı və təhlükəsizliyi, maraq və məqsədləri dayanmalıdır”.
Ermənistanın xarici işlər naziri əlavə edib ki, Dağlıq Qarabağ münaqişəsinin nizamlanması məsələsini artıq Rusiya xarici işlər Sergey Lavrovla telefon söhbətində müzakirə edib. Yaxın vaxtlarda isə Fransa xarici işlər naziri və ABŞ nümayəndələrinin Ermənistana səfərində bu məsələ müzakirə olunacaq.
Mnaçakanyan, həmçinin bildirib ki, yaxın gələcəkdə Ermənistan və Azərbaycanın dövlət başçıları, yaxud xarici işlər nazirlərinin görüşü gözlənilmir.
Leyla Elbrusqızı
AzVision.az
Teqlər: DağlıqQarabağ Azərbayan Ermənistan Minskqrupu