Kanada ABŞ-a iqtisadi müharibə elan etdi
Sənəddə qeyd edilib ki, iyulun 1-dən etibarən yalnız ABŞ-dan gətirilən mallara yüksək gömrük rüsumları qoyulacaq. Kanadanın Maliyyə Nazirliyi həmin malların 2 siyahısını yayıb. Birinci siyahıya əsasən müxtəlif metallurgiya məhsulları, dəmiryolu tikintisində istifadə olunan məhsullar, turbalar, naqillər və digər mallar daxildir və onlara 25% gömrük rüsumu tətbiq olunacaq. İkinci siyahıda isə müxtəlif qida məhsulları və içkilər yer alıb ki, onlara da 10% tarif tətbiq ediləcək.
Bəyanatda bildirilib ki, ABŞ-a qarşı bu əks-tədbirlər iyulun 1-dən qüvvəyə minəcək və Vaşinqton Kanadaya qarşı ticarət məhdudiyyətlərini ləğv edənədək tətbiq olunacaq.
Qeyd edək ki, ABŞ administrasiyası iyunun 1-dən etibarən Avropa İttifaqı ölkələri, Kanada və Meksikadan idxal edilən polad və alüminium məhsullarına müvafiq olaraq 25 və 10 faizlik gömrük rüsumu tətbiq etməyə başlayıb.
Leyla Elbrusqızı
AzVision.az