İspaniya hökuməti istefaya göndərildi
Qeyd edək ki, bu, 1970-ci illərin sonunda İspaniyada demokratiyanın bərpasından sonra ölkə parlamentinin hökumətə göstərdiyi ilk etimadsızlıqdır. Raxoy 2011-ci ilin dekabrından baş nazir vəzifəsini icra edib. Onun hökumətinin yeni tərkibi isə 2016-cıildə təsdiqlənib.
İspaniyanın yeni baş naziri Sosialist Əmək Partiyasının lideri Pedro Sançes olacaq. Hələ səsvermədən öncə Raxoy Sançesi təbrik edib və deyib ki, parlamentin qərarını qəbul edir. Lakin baş verənlərlə bağlı eyni fikirləri bölüşmür və hesab edir ki, başlıca siyasi vəzifəsini – xalqa xidməti yerinə yetirə bilib.
Parlamentin Mariano Raxoy hökumətinə etimad göstərməməsinin səbəbi ötən həftə ölkədəki qalmaqallı “Gyurtel” korrupsiya işi üzrə İspaniya Milli Məhkəməsinin çıxardığı qərar olub. Həmin işdə Mariano Raxoyun hakim Xalq partiyasının yüksək vəzifəli üzvləri, o cümlədən partiyanın sabiq xəzinədarı Luis Barsenas korrupsiyada ittiham olunublar.
Leyla Elbrusqızı
AzVision.az
Teqlər: İspniya Baş-Nazir Hökumət İstefa