Vulkan 25 nəfərin həyatına son qoydu
Bundan əvvəl ölənlərin sayının 7, yaralıların isə 30 nəfər olduğu bildirilirdi. RBC Noticias telekanalının məlumatına görə, 653 nəfər müvəqqəti sığınacaqlara yerləşdirilib.
Fueqo vulkanının bu dəfə püskürməsi son illərin ən güclü püskürməsi hesab edilir. Püskürmə zamanı vulkan lavası və külünün 10 kilometrədək qalxdığı, külün külək istiqamətində saatda 40 kilometr sürətlə yayıldığı bildirilir.
Qvatemala hökuməti bir neçə yaşayış məntəqələrində ən yüksək həyəcan səviyyəsi elan ediblər. Fueqo vulkanı püskürməsinə görə paytaxtdakı Aurora beynəlxalq hava limanının fəaliyyəti də dayandırılıb. Təbii fəlakət ölkənin 16,6 milyonluq əhalisindən 1,7 milyonuna təsir edib.
Leyla Elbrusqızı
AzVision.az
Teqlər: Qvatemala