İran uranın zənginləşdirilməsinə başladı
2015-ci ilin sentyabrında isə İran xarici işlər nazirinin müavini Abbas Araqçı bəyan etmişdi ki, İran altıncı və yeddinci nəsil sentrifuj ayırıcılarının köməyilə yaxın 15 il ərzində 190 min SWU həcmində zənginləşdirilmiş uran əldə edə bilər.
Qeyd edək ki, mayın 8-də ABŞ-ın birtərəfli qaydada İranla nüvə sazişindən çıxması və sanksiyaları bərpa etməsindən sonra sazişin digər iştirakçılar, o cümlədən Avropa üçlüyü – Fransa, Almaniya və Böyük Britaniya sankiyalara rəğmən nüvə anlaşmasında qalmaqla böyük zərərlə üzləşməyəcəyinə dair Tehrana iqtisadi-siyasi zəmanət veriblər. Onlar, həmçinin İranı əmin ediblər ki, hazırkı nüvə sazişinin qorunub saxlanmasının tərəfdarıdırlar.
Lakin Fransa XİN və Senatının rəsmiləri bildiriblər ki, Fransa İranla hazırkı nüvə sazişindən çıxmaq və yenisinin imzalanması üçün qlobal danışıqlara başlamağa hazırlaşır. Yeni saziş bütün tərəfləri, xüsusən də birtərəfli qaydada hazırkı nüvə sazişindən çıxan ABŞ-ı narahat edən bütün məsələləri əhatə edəcək. İranla yeni nüvə sazişinin imzalanması ideyası Almaniya bundestaqının bir sıra üzvləri tərəfindən dəstəklənir.
Leyla Elbrusqızı
AzVision.az