AzVision.az “Anadolu” agentliyinə istinadən xəbər verir ki, İordan çayının qərbindəki Yerləşdirmə Vahidi üzrə İnformasiya nümayəndəsi Qassan Daqlasın bildirdiyinə görə, bir qrup yəhudi Nablus şəhərinin Burin kəndində fələstinlilərin evlərinə hücum edib. Yaranan toqquşmaya İsrail hərbçiləri müdaxilə edərək 2 fələstinliyə silahla atəş açıblar. Yaralı fələstinlilər xəstəxanaya yerləşdiriliblər və vəziyyətləri ağırdır.

Qeyd edək ki, ötən ilin martında İsrail hökuməti son 20 il ərzində ilk dəfə olaraq, İordan çayının qərb sahilindəki işğal olunmuş Fələstin ərazilərində yeni məskən salmaq barədə qərar qəbul edib. Həmin Məskən Fələstinin Nablus şəhərinin yaxınlığında tikilir. 1967-ci ilin 6 günlük müharibəsi nəticəsində İsrailin işğal etdiyi İordan çayının Qərb Sahilində və Şərqi Qüdsdə tikilən 140 qəsəbədə 500 min yəhudi məskunlaşıb. Yeni yaşayış qəsəbələrinin salınması ilə oraya çox sayda yəhudinin köçürülməsi prosesi davam etdirilir.

Fələstinlilər beynəlxalq birliyi İsrailin bu planına qarşı çıxmağa səsləyib. Məsələ ilə bağlı BMT baş katibliyinin yaydığı bəyanatda bu cür tikintilərin qeyri-qanuni və sülhün əldə olunmasına mane olduğunu bildirilib.

Leyla Elbrusqızı
AzVision.az