Suriyaya hücum edildi - Quruda ilk döyüş

  22 İyun 2018    Oxunub : 549
Suriyaya hücum edildi - Quruda ilk döyüş
ABŞ-ın başçılıq etdiyi koalisiya qüvvələri Suriyanın Homs bölgəsində, Palmiradan 150 kilometr şərqdə yerləşən Bəşər Əsəd hökumətinin qüvvələrinə hava zərbələri endirib.
AzVision.az “Sputnik Rusiya”ya istinadən xəbər verir ki, Suriya ordusunun məlumatına əsasən, hücum nəticəsində 1 suriyalı zabit ölüb.

Hava zərbəsinin səbəbi Əl-Halbaya doğru gedən 3 ABŞ hərbi maşınının açdığı atəşə Suriya ordusunun cavab verməsi olub. Bildirilib ki, bu, Suriya hökumət qüvvələri ilə ABŞ hərbçiləri arasında qurudakı ilk toqquşmadır.

Suriyanın SANA dövlət agentliyi isə məlumat yayıb ki, koalisiya qüvvələri Deyr əz-Zordakı Əş-Şaafa kəndini də bombalayıb. Nəticədə 8 mülki şəxs ölüb.

Leyla Elbrusqızı
AzVision.az

Teqlər: Suriya   ABŞ   koalisiya