Paşinyan Sarkisyanın pullarını almaq üçün FTB-dən kömək istədi

  22 İyun 2018    Oxunub : 1318
Paşinyan Sarkisyanın pullarını almaq üçün FTB-dən kömək istədi
Ermənistanın Milli Təhlükəsizlik Xidməti (MTX) sabiq prezident və baş nazir Serj Sarkisyan hökumətində təmsil olunan vəzifəli şəxslər tərəfindən ofşor zonalarda çirkli pulların qanunsuz yuyulması işinin istintaqı üçün ABŞ-ın Federal Təhqiqatlar Bürosundan kömək istəyib.

AzVision.az bildirir ki, bu barədə “Jamanak” qəzeti yazıb.
“Ermənistan MTX və ABŞ Federal Təhqiqatlar Bürosu respublikanın keçmiş yüksək vəzifəli şəxslərinin çirkli pulları qanunsuz yumalarına dair işin istintaqı üzrə sıx əməkdaşlıq edirlər. Pulların ofşor zonalarında yuyulmasilə bağlı ciddi şübhələr var. Yaxın gələcəkdə bu cinayət işi çərçivəsində səs-küylü həbslər barədə xəbərlər eşidəcəksiniz.” – deyə Ermənistan xüsusi xidmət orqanlarındakı mənbə “Jamanak”a bildirib.

Qeyd edək ki, Ermənistanın baş naziri Nikol Paşinyan ölkə biznesmenlərini və əvvəlki hökumətin nümayəndələrini qanunsuz olaraq ölkədən kənara kapital çıxarmamağa çağırmışdı. Həmçinin xəbərdarlıq etmişdi ki, həmin pulları yenidən Ermənistana qaytarmaq onun üçün elə də çətin olmayacaq.

Leyla Elbrusqızı
AzVision.az

Teqlər: Ermənistan   korrupsiya   FTB   MTX