Avropada erməni mafiyasına qarşı irimiqyaslı əməliyyat keçirilir
AzVision.az xəbər verir ki, bu barədə Kataloniyanın hüquq-mühafizə orqanı Mossos d'Esquadra "Tvitter"də məlumat verib.
İspaniya KİV-nin məlumatına əsasən, əməliyyat zamanı Barselona, Madrid, Valensiya, Alikante, Alabaset və digər iri şəhərlərdə axtarış həyata keçirilir. Əməliyyatın gedişində 100 nəfərdən çox erməni əsilli cinayətkarın həbs olunacağı və 70-dən çox axtarış tədbirləri keçiriləcəyi ehtimal olunur. Çünki söhbət, Ermənistandan gəlib Avropada fəaliyyət göstərən ən böyük cinayətkar şəbəkədən gedir.
İspaniya polisinin məlumatına görə, erməni cinayətkar mafiyası üzvlərinin ABŞ, Fransa, Belçika, İtaliya və Litvada əlaqələri var. "El País" İspaniya xüsusi xidmət orqanlarındakı mənbəsinə istinadən xəbər verib ki, bu cür irimiqyaslı əməliyyatlar nəticəsində Gürcüstandan olan Şuşanaşvili qardaşlarının cinayətkar qruplaşmasının və erməni əsilli “vor-zakon” Erik Caqinyanın cinayət əməllərinə son qoyulacaq.
Qeyd edək ki, İspaniyada erməni cinayətkar şəbəkəsinə qarşı istintaq-axtarış tədbirləri 2016-cı ilin yanvarında Tarrasa şəhərində iki nəfərin qətlindən sonra başlayıb.
Leyla Elbrusqızı
AzVision.az
Teqlər: Ermənistan ermənimafiası Avropa