Trampın adamından önəmli Menbiç açıqlaması
AzVision.az xəbər verir ki, bu sözləri ABŞ prezidenti Donald Trampın İŞİD terror təşkilatı ilə mübarizə üzrə xüsusi nümayəndəsi Bret MakQurk İŞİD-ə qarşı koalisiyanın Mərakeşdə keçirdiyi iclasda deyib.
“NATO müttəfiqimiz və İŞİD-ə qarşı koalisiyada tərəfdaşımız olan Türkiyə ilə birlikdə bölgədə, xüsusən də Menbiç ətrafındakı gərginliyi azaltmaq üçün gördüyümüz işləri təqdir edirəm. Türkiyə ilə Menbiçdə yol xəritəsi çəkdik. Onlarla aprdığımız danışıqlar faydalı və məhsuldar oldu. Bunun davam edəcəyini gözləyirik və bu əməkdaşlıq üçün minnətdarıq”, – deyə Mak Qurk bildirib.
ABŞ rəsmisi, həmçinin vurğulayıb ki, İŞİD-ə qarşı mübarizə sonədək aparılacaq. Bu mənada, Suriya və İraqdakı sonuncu İŞİD məntəqələrinin təmizlənməsi üçün ABŞ regiondakı müttəfiqlərilə əməkdaşlığı davam etdirir.
Leyla Elbrusqızı
AzVision.az
Teqlər: ABŞ Türkiyə Menbiç İŞİD