Kanadanın ABŞ-a tətbiq etdiyi tariflər qüvvəyə minib
Kanadaya idxal edilən amerikan məhsullarına irəli sürülən tariflərin ümumi həcmi 12,5 milyard dollar civarında qiymətləndirilir.
Qeyd edək ki, ABŞ administrasiyası iyunun 1-dən etibarən Avropa İttifaqı ölkələri, Kanada və Meksikadan idxal edilən polad və alüminium məhsullarına müvafiq olaraq 25 və 10 faizlik gömrük rüsumu tətbiq etməyə başlayıb.
ABŞ-ın bu qərarına cavab olaraq, Kanadanın Naliyyə nazirliyi Amerikadan idxal ediləcək bir sıra məhsullara 1 iyuldan etibarən yüksək tariflər tətbiq ediləcəyini açıqlayıb. Vurğulanıb ki, ABŞ mallarına qarşı yüksək gömrük rüsumları Vaşinqton Kanadaya qarşı ticarət məhdudiyyətlərini ləğv edənədək tətbiq olunacaq.
Leyla Elbrusqızı
AzVision.az