"Deyirlər ki, İran hər yerdən getməlidir" - Lavrov
AzVision.az xəbər verir ki, bu barədə Rusiya xarici işlər naziri Sergey Lavrov İordaniyalı həmkarı Ayman əs-Səfadi ilə görüşdən sonra keçirdiyi mətbuat konfransında deyib.
Rusiyanın Suriyanın cənubundakı öhdəliklərini icra etdiyini xatırladan Lavrov, İran qüvvələrinin Suriyadan çıxarılacağına dair səslənən iddialara da cavab verib. “İranın Suriyadan çıxması və regionda öz rolunu dayandırması tamamilə real deyil və bu, təkcə Suriya üçün proqnozlaşdırılmır, bütün regiona şamil edilir. Deyirlər ki, İran hər yerdən getməli və öz sərhədlərinə qapanmalıdır. Yalnız bu halda hər yerə firavanlıq gələcək. Lakin İran da daxil olmaqla, Səudiyyə Ərəbistanı, İordaniya, Misir və bir çox digər açar ölkələrin iştirakı olmadan regiondakı problemlərin həll edilməyəcəyi aydındır”, - deyə Lavrov qeyd edib.
Leyla Elbrusqızı
AzVision.az
Teqlər: Suriya Rusiya İran İordaniya