Sarkisyanın qardaşının evində 8 saat axtarış aparılıb - VİDEO
AzVision.az erməni KİV-nə istinadən xəbər verir ki, axtarış əməliyyatı başa çatdıqdan sonra MTX əməkdaşları Aleksandr və onun oğlu Ayk Sarkisyanı ərazidən aparıblar.
Xatırladaq ki, Ermənistan Baş Prokurorluğu sabiq prezident Serj Sarkiyanın qardaşı oğluna qarşı cinayət işini bərpa edib. Ayk Sarkisyan insan həyatına qəsd cəhdində ittiham edilir. Bundan öncəki axtarış tədbirləri zamanı hüquq-mühafizə orqanlarının əməkdaşları Aleksnadr Sarkisyanın evində silah aşkarlayıblar. Nəticədə o, 25 iyunda qanunsuz silah saxlamaqda şübhəli bilinərək tutulub. Lakin onun saxladığı silahın qanuni olduğu bilinəndən sonra Aleksandr azadlığa buraxılıb.
Serj sarkisyanın digər qardaşı Levon Sarkisyan, onun oğlu və qızı da gəlir bəyannaməsindən yayınmaqda və qanunsuz şəkildə varlanmaqda təqsirli bilinirlər. Onlara Ermənistanı tərk etməmək barədə göstəriş verilib.
Leyla Elbrusqızı
AzVision.az
Teqlər: Ermənistan MTX