Gülən Türkiyəyə qarşı yeni “savaş” elan etdi

  05 İyul 2018    Oxunub : 4249
Gülən Türkiyəyə qarşı yeni “savaş” elan etdi
FETÖ (Fətullahçı Terror Təşkilatı) lideri, hazırda ABŞ-ın Pensilvaniya ştatında olan Fətullah Gülən təşkilatın üzvlərinə və rəhbər şəxslərinə Türkiyə və prezident Rəcəb Tayyip Ərdoğana qarşı yeni “savaşın” təlimatlarını verib.
AzVision.az "Anadolu" agentliyinə istinadən xəbər verir ki, iyunun sonlarında 18 ölkədə FETÖ qruplaşmasının rəhbər üzvləri gizli toplantılar keçirərək, liderlərinin onlara verdiyi yeni təlimatları müzakirə ediblər. Fətullah Gülənin Pensilvaniyada keçirdiyi yığıncağa isə təşkilatın idarəçiliyində iştirak edən 33 nəfər qatılıb.

Türkiyə kəşfiyyatına işləyən mənbələrdən alınan məlumatlara əsasən, bütün toplantılarda Gülənin göndərdiyi təlimatlar oxunub və müvafiq planlar üzərində müzakirə aparılılb. Həmin təlimatlar isə aşağıdakılardır:

- Yerləşdiyiniz ölkələrdə kamuflyaj olun və özünüzü cəmiyyətə qəbul etdirmək üçün həmin ölkələrin vətəndaşları ilə ailə qurun;

- Yaşadığınız ölkələrdəki sahibkarların Türkiyəyə investisiya yatırmasına mane olun və bizdən göndərilən bütün sərmayələri dayandırın;

- FETÖ-yə yeni üzvlər tapmağa çalışın və tələbələrimizi ölkənin mövqeyinə uyğun inandırmağa çalışın;

- Üzvlərimiz çox diqqətli olsunlar. Dövlət orqanlarından uzaq gəzsinlər;

- Bir ölkədən digərinə keçən üzvlərimizə hər cür kömək göstərin;

Fətullah Gülən, həmçinin 24 iyun seçkilərindən sonra Türkiyədə prezidentin bütün gücü əlində cəmləşdirəcəyi və “Hizmet” hərəkatına təzyiq edəcəyinə dair xəbərdarlıq edərək, FETÖ üzvlərindən daha diqqətli olmaları və birlikdə, nizamlı şəkildə hərəkət etmələrini tələb edib.

Leyla Elbrusqızı
AzVision.az

Teqlər: Türkiyə   FETÖ   ABŞ