Fransa Qarabağ münaqişəsinin sülh yolu ilə həllini istəyir
AzVision.az xəbər verir ki, bunu Fransanın Ermənistandakı səfiri Conatan Lakot bu gün keçirdiyi mətbuat konfransında deyib.
“Dağlıq Qarabağ münaqişəsinin güc yolu ilə həlli ola bilməz, yalnız sülh danışıqları vasitəsilə nizamlanma mümkündür. Fransa da bu mövqeyə sadiqdir”, - deyə Lakot bildirib.
Dağlıq Qarabağın danışıqlarda tərəf kimi iştirakı ilə bağlı suala gəlincə, fransalı səfir bildirib ki, münaqişənin nizamlanması üzrə danışıqlar prosesinin iştirakçıları özləri danışıqların formatına dair ortaq məxrəcə gəlməlidirlər.
Qeyd edək ki, ötən gün Brüsseldə Azərbaycan və Ermənistan xarici işlər nazirlərinin görüşü baş tutub, Dağlıq Qarabağ münaqişəsinin həlli üzrə danışıqlar prosesi ətraflı müzakirə olunub.
Leyla Elbrusqızı
AzVision.az
Teqlər: Azərbaycan Ermənistan Fransa DağlıqQarabağ