BQXK erməni əsirlə görüşmək istəyir

BQXK erməni əsirlə görüşmək istəyir
  16 İyul 2018    Oxunub:2606
Beynəlxalq Qırmızı Xaç Komitəsi (BQXK) Azərbaycanda əsir olan Ermənistan vətəndaşı Karen Kazaryanın məsələsi ilə bağlı əlaqəli tərəflərlə danışıqlar aparır.

AzVision.az bildirir ki, bu barədə BQXK-nin Ermənistandakı ofisinin mətbuat katibi Qoar Ter-Akopyan məlumat verib.
“Karen Kazaryanın ziyarət edilməsi və onun saxlanma şəraiti ilə tanışlıq məsələləri üzrə dialoq aparılır”,- deyə Ter-Akopyan bildirib.



Qeyd edək ki, iyulun 15-də səhər saatlarında Azərbaycan-Ermənistan dövlət sərhədinin Qazax rayonu istiqamətində düşmənin kəşfiyyat-diversiya qrupu qoşunların təmas xəttini keçməyə cəhd göstərib.

Bölmələrimizin sayıqlığı nəticəsində düşmənin təxribat cəhdinin qarşısı alınıb və itkilər verərək geri çəkilməyə məcbur edilən qrupun bir üzvü əsir götürülüb. Özünün bildirdiyinə görə o, 1984-cü il təvəllüdlü Karen Kazaryandır. Təxribata cəhd edən düşmənlə qarşıdurmada Azərbaycan ordusu itki verməyib.

Leyla Elbrusqızı
AzVision.az


Teqlər: Azərbaycan   Ermənistan   BQXK  



Xəbər lenti


Azvision.az ©2014 | Bütün hüquqları qorunur