Ermənistanın müdafiə naziri oğlunu Qarabağa göndərdi

Ermənistanın müdafiə naziri oğlunu Qarabağa göndərdi
  17 İyul 2018    Oxunub:7693
Paşinyandan sonra Ermənistanın müdafiə naziri David Tonoyan da oğlunu Azərbaycanın işğal olunmuş Dağlıq Qarabağ bölgəsinə hərbi xidmətə göndərib.
AzVision.az erməni KİV-nə istinadən xəbər verir ki, D.Tonoyanın 18 yaşlı oğlu Edqar Tonoyan 16 iyulda andiçmə mərasimindən sonra iştirak etdiyi bölgü əsasında Qarabağda hərbi xidmət keçəcək.

Xatırladaq ki, Ermənistanın baş naziri Nikol Paşinyanın oğlu Aşot da Azərbaycanın işğal olunmuş Dağlıq Qarabağ bölgəsində yerləşən Ermənistan silahlı qüvvələrinin qanunsuz hərbi hissəsində xidmət keçir. Həmin vaxt Paşinyandan “nümunə” götürən Tonoyan yaxın günlərdə öz oğlunu hərbi xidmətə göndərəcəyini söyləmişdi. Lakin oğlunun harada xidmət çəkəcəyini açıqlamamışdı.

Rəsmi Bakı isə Ermənistan rəhbərliyinin bu cür addımlarını növbəti populizm cəhdi kimi qiymətləndirir.

Leyla Elbrusqızı
AzVision.az


Teqlər: Azərbaycan   Ermənistan   DağlıqQarabağ  





Xəbər lenti