Milli Məclisin Elm və təhsil komitəsinin sədri, AMEA-nın vitse-prezidenti İsa Həbibbəyli məsələyə münasibət bildirib. Komitə sədri AzVision.az-a açıqlamasında deyib ki, DİM tərəfindən keçirilən imtahanlarda sualların çətinlik səviyyəsi eynidir, belə olmasaydı qazanılan nəticələrin əhəmiyyəti olmazdı.

İ.Həbibbəyli hesab edir ki, maksimum nəticə göstərən abituriyentlərin sayının artması təhsil sistemində aparılan islahatlarla əlaqədardır.



“Dövlət İmtahan Mərkəzi kifayət qədər obyektiv qurumdur və elan etdiyi şərtlərə kütləvi münasibət olmur, əksinə cəmiyyət bunu qəbul edir. Dövlət İmtahan Mərkəzi tərəfindən keçirilən imtahanların nəticəsi kimi çoxlu sayda abituriyentin yüksək bal toplamasını yüksək qiymətləndirirəm. Bu, bizim təhsil sistemizdə son illərdə aparılan islahatların nəticəsidir. “Təhsil haqqında” qanuna bəzi dəyişiklər və düzəlişlər edilib, bu sahədə ardıcıl islahatlar həyata keçirilir. Bunlar təhsilin keyfiyyətində özünün müsbət təsirini göstərir. Prosesə tam baxanda rekord sayda abituriyentin 700 bal toplamasını qanunauyğun hesab edirəm”.

Aytən Zəhra
AzVision.az