Paşinyan 5 prezidentdən icazə almalıdır
“KTMT-nin fəaliyyətdə olan baş katibi Yuri Xaçaturovun tutduğu vəzifədən geri çağırılması ilə bağlı Ermənistanın rəsmi müraciət göndərib-göndərmədiyi barədə KTMT rəhbərliyində heç bir məlumat yoxdur. Əgər Ermənistan tərəfindən belə bir müraciət olarsa, onda bu proses KTMT-nin bütün üzv dövlətləri ilə razılaşdırılmalıdır. Yalnız bundan sonra təşkilatın Kollektiv Təhlükəsizlik Şurası qərar qəbul edəcək”, – deyə Semerikov bildirib.
O, həmçinin vurğulayıb ki, prosesin nə qədər davam edəcəyi KTMT ölkələrinin razılaşdırmanı necə aparacağından asılı olacaq.
Bundan əvvəl Ermənistan XİN-in mətbuat katibi Tiqran Balayan bəyan etmişdi ki, Yuri Xaçaturova qarşı başlanmış cinayət işi daxili hüquqi prosesdir. Bununla belə, Xaçaturov KTMT-nin baş katibi olduğuna görə onun əvəzlənməsi məsələsinə dair rəsmi İrəvanın KTMT üzrə tərəfdaşları ilə intensiv məsləhətləşmələr apardığını bildirmişdi.
Leyla Elbrusqızı
AzVision.az
Teqlər: