Suriya münaqişəsinə dair ilk razılaşma əldə olundu
Qeyd olunur ki, Suriyada münaqişə tərəfləri ölənlərin cəsədlərinin və əsirlərin mübadiləsi üçün pilot layihənin həyata keçirilməsinə hazır olduqlarını bildiriblər.
Sənəddə həmçinin, Suriyada atəşkəsə qarant ölkələr – Rusiya, Türkiyə və İran BMT və digər beynəlxalq təşkilatları Suriyaya humanitar yardımı artırmağa, ərazilərin minalardan təmizlənməsinə, iqtisadi və sosial infrastrukturun bərpasına, qaçqınların öz daimi yaşayış yerlərinə təhlükəsiz şəraitdə qayıtmalarına kömək etməyə çağırıblar. Bəyannamədə Suriyanın yeni konstitusiyasının hazırlanması ilə məşğul olacaq Komissiyanın formalaşdırılması üçün BMT baş katibinin Suriya üzrə xüsusi nümayəndəsi Staffan de Misturaya hərtərəfli dəstək göstəriləcəyi də vurğulanıb.
Xatırladaq ki, dünən və bu gün Soçidə Suriya böhranının nizamlanması üzrə Astana formatı çərçivəsində danışıqların 10-cu raundu keçirilib. Görüşlərdə Suriyada atəşkəsə qarant ölkələr – Rusiya, Türkiyə və İran nümayəndə heyətləri, Suriya hökuməti və müxalifətinin nümayəndələri, həmçinin BMT nümayəndələri iştirak ediblər.
Leyla Elbrusqızı
AzVision.az