Kanada ilə Ər-Riyad arasında gərginlik artır
“Biz, KİV-də yayılan bu xəbərlərdən ciddi narahatıq və Səudiyyə Ərəbistanının son bəyanatları ilə əlaqədar izahat verilməsini istəyirik.” –deyə, Baril bildirib.Baril vurğulayıb ki, Kanada hər zaman insan hüquqlarını müdafiə edəcək, o cümlədən bütün dünyada qadınların hüquqlarının müdafiəsi və ifadə azadlığının təmin edilməsinin lehinə çıxış edəcək.
Xatırladaq ki, avqustun 2-də Kanada XİN-in rəhbəri Xrist Frilandın Səudiyyə Ərəbistanında hüqqu müdafiəçisi Samar Bədəvinin həbsindən narahat olduğunu bildirməsi, Bədəvi və onun bacısı – bloqqer Raifə Bədəvinin dərhal azad olunmasına çağırış etməsindən sonra iki ölkə arasında münasibətlər gərginləşib. Ər-Riyad hesab edir ki, Kanadanın bu mövqeyi Səudiyyə Ərəbistanının daxili işlərinə müdaxilədir.
Bununla əlaqədar, Səudiyyə KİV-ləri XİN rəsmilərinə istinad edərək Ər-Riyadın məsləhətləşmələr aparılması üçün Ottavadakı səfirini geri çağırdığı və Kanadanın da Səudiyyə Ərəbistanındakı səfirini persona non-qrata (arzuolunmaz şəxs) elan edərək, onun ölkəni tərk etməsinə 24 saat vaxt verdiyi barədə məlumat yayıblar. Həmçinin bildirilib ki, Ər-Riyad Kanada ilə bütün yeni ticarət və investisiya əməliyyatlarını dondurur və məsələ ilə bağlı gələcək addımların atılması hüququnu özündə saxlayır.
Leyla Elbrusqızı
AzVision.az