Ərdoğandan ABŞ-a xəbərdarlıq - Yeni müttəfiq tapacağıq!
“Nə qədər ki gec deyil, ABŞ hakimiyyətini ölkələr arasında assimmetrik münasibətlərin mövcud ola biləcəyilə bağlı səhv düşüncələrindən imtina etməlidir. Əgər birtərəflilik və hörmətsizlik tendensiyasını geri döndərmək cəhdlərimiz uğursuz olsa, onda biz yeni dostlar və müttəfiqlər axtarmalı olacağıq.” – deyə, Ərdoğan vurğulayıb. O həmçinin, Vaşinqtonun Türkiyənin ədliyyə naziri Əbdülhəmid Gül və daxili işlər naziri Süleyman Soyluya qarşı sanksiya tətbiq etməsinin qəbuledilməz olduğunu yazıb.
Qeyd edək ki, ötən gün ABŞ prezidenti Donald Tramp Ankara ilə davam edən siyasi gərginliyə baxmayaraq, digər ölkələr tətbiq etdiyi ticarət tariflərini Türkiyəyə də tətbiq etmək barədə qərar qəbul edib. Tramp öz tvitter səhifəsində bəyan edib ki, bundan sonra Türkiyədən alınan alüminiuma 20%, polada isə 50% gömrük rüsümu tətbiq olunacaq.
Leyla Elbrusqızı
AzVision.az