ABŞ özünü müalicə etməlidir - İrandan Türkiyəyə dəstək
“NATO üzrə müttəfiqi olan Türkiyə üçün iqtisadi çətinliklər yaranmasına görə Trampın sevinməsi utancvericidir. ABŞ özünün zülm vermək və sanksiyalardan asılılığını müalicə etməlidir. Əks halda, sözlə mühakimədən əlavə, bütün dünya birləşərək ABŞ-ı buna məcbur edəcəklər. Biz öz qonşularımızı bundan əvvəl də dəstəkləmişik və indi də dəstəkləyirik.” – deyə, iranlı nazir bəyan edib.
Qeyd edək ki, ötən gün ABŞ prezidenti Donald Tramp Ankara ilə davam edən siyasi gərginliyə baxmayaraq, digər ölkələr tətbiq etdiyi ticarət tariflərini Türkiyəyə də tətbiq etmək barədə qərar qəbul edib. Tramp öz tvitter səhifəsində bəyan edib ki, bundan sonra Türkiyədən alınan alüminiuma 20%, polada isə 50% gömrük rüsümu tətbiq olunacaq.
Leyla Elbrusqızı
AzVision.az