Hindistanda yağışlar 774 nəfəri öldürdü

Hindistanda yağışlar 774 nəfəri öldürdü
  13 Avqust 2018    Oxunub:2217
Hindistanda musson yağışları nəticəsində azı 774 nəfər həlak olub.
AzVision.az xarici mətbuata istinadən xəbər verir ki, ən çox ölüm halı Kerala ştatında qeydə alınıb – 187 nəfər.

Həmçinin əlverişsiz hava Uttar-Pradeş ştatında 171, Qərbi Benqaliya ştatında 170, Maharaştra ştatında 139, Qucarat ştatında 52, Assam ştatında 45, Naqalend ştatında 8 nəfərin həyatına son qoyub. Leysan yağışların səbəb olduğu hadisələr nəticəsində yeddi ştatda ümumilikdə təxminən 250 nəfər xəsarət alıb, 30-dan çox adam isə itkin düşmüş hesab edilir.

Bundan başqa, çoxlu sayda mal-qara və əkin sahəsi məhv olub. Hazırda Hindistan ordusu, Hərbi Dəniz Qüvvələri, Hərbi Hava Qüvvələri və sahil mühafizəsinin əməkdaşları insanlara yardım etmək üçün səfərbər olunub.

İlkin Nəcəfzadə
AzVision.az



Teqlər: Hindistan   Yağış  





Xəbər lenti