ABŞ-ın 350 media orqanı Trampa qarşı birləşdi
“Boston Globe”un manşetində qeyd olunur ki, “İndi ABŞ-a elə bir prezident rəhbərlik edir ki, hazırkı ABŞ administrasiyasının siyasətini dəstəkləməyən jurnalistlərin xalqın düşməni olduğunu hər dəfə mantra kimi təkrarlayır. Bu, prezidentin yalan ifadələrindən sadəcə biridir.”
Həmçinin vurğulanıb ki, mətbuatın müstəqilliyi prinsipi Amerika cəmiyyətinin əsaslarından biri hesab olunur.
Xatırladaq ki, iyulda Tramp ikinci prezidentlik müddətinin sonunadək “saxta KİV-in” reytinqlərinin düşəcəyi və bağlanacaqlarını bəyan edib. ABŞ prezidenti jurnalistləri saxta xəbərlər yaymaqda dəfələrlə ittiham edərək, onları “xalqın düşməni” adlandırıb. Trampın fikrincə, Amerika mediasının ən yalançı üzvləri CNN, NBC, CBS, ABC telekanalları və “The New York Times” qəzetidir.
Leyla Elbrusqızı
AzVision.az