Vaşinqtonda hərbi parad təxirə salındı

  17 Avqust 2018    Oxunub : 387
Vaşinqtonda hərbi parad təxirə salındı
Birinci dünya müharibəsinin başa çatmasının 100 illiyi münasibətilə noyabrda ABŞ-ın paytaxtı Vaşinqtonda keçirilməsi planlaşdırılan hərbi parad təxirə salınıb.

AzVision.az “Reuters”ə istinadən xəbər verir ki, ABŞ prezidenti Donald Tramp hərbi paradın məhz 10 noyabrda keçirilməsini istəyib. Lakin bilinməyən səbəblərdən hərbi parad təxirə salınaraq, keçirilməsi 2019-cu ilə saxlanılıb.
“Reuters”in Pentaqondakı mənbəsi ehtimal edir ki, hərbi paradın təşkili üçün böyük maliyyə vəsaiti tələb olunduğuna görə təxirə salınıb.

Bundan əvvəl isə Qərb KİV-ləri yazmışdı ki, Trampın hərbi paradı Vaşinqton üçün nəzərdə tutulan 12 milyona yox, 92 milyon dollara başa gələcək. Paradda tanklar, helikopterlər, qırıcılar və hətta tarixi təyyarələr də iştirak etməlidir. Lakin Vaşinqtonda Trampın bu ideyasını təqdir etməyiblər və bildiriblər ki, “paradın xərcini Tramp özü çəkəcək.”

Leyla Elbrusqızı
AzVision.az

Teqlər: ABŞ   Vaşinqton   Hərbiparad