100 ilin ən güclü daşqınları: Ölü sayı 400-ü keçdi - (VİDEO)
On minlərlə insan su basmış evlərinin damına çıxmağa çalışaraq kömək gözləyirlər. Hazırda yerli hökumət son 12 ilin ən irimiqyaslı xilasetmə əməliyyatını həyata keçirir. Hindistan ordusu da bu əməliyyatlara cəlb olunub. Artıq 800 mindən çox insan təxliyyə olunub. Məlumata əsasən, suyun axını o qədər güclüdür ki, xilasedicilər insaları evakuasiya etməyə vaxt çatdıra bilmirlər. Lakin yağışlar bir qədər səngidiyindən kömək gözləyən insanları tez bir zamanda müəyyənləşdirərək onları xilas etmək nisbətən asanlaşıb.
Hazırda bütün Kerala ştatı ərazisi üzrə fövqəladə hal elan olunub. Xilasetmə əməliyyatları və təxliyyə olunanlara humanitar yardım davam etdirilir. Musson yağışları mövsümünün sentyabradək davam edəcəyi gözlənilir.
Leyla Elbrusqızı
AzVision.az
Teqlər: Hindistan Musson Daşqın