TRT ABŞ-a görə kovboy filmlərinə qadağa qoydu

TRT ABŞ-a görə kovboy filmlərinə qadağa qoydu
  29 Avqust 2018    Oxunub:3378
Türkiyənin dövlət televiziya və radio şirkəti olan TRT Ankara ilə Vaşinqton arasında davam edən siyasi gərginlik fonunda kovboy filmlərinin yayımını dayandırıb.

AzVision.az “RİA Novosti”yə istinadən xəbər verir ki, son 2 həftədir TRT telekanalının yayım proqramında müşahidə edilən dəyişiklikər bu cür qənaətə gəlinməsinə əsas verib.
Telekanalın onillərdir dəyişməyən efir proqramına uyğun olaraq 1980-cı illərdən bəri hər həftənin bazar günü səhər saat 09:55-dən başlayaraq Amerika istehsalı olan uzunmetrajlı kovboy filmləri yayımlanırdı. Lakin son həftələrdə kovboy filmlərinin əvəzinə "Ev Sineması" rubrikası çərçivəsində türk kinosundan seçmələr göstərilir. Hətta telekanalın efir proqramında 2 sentyabrda da türk kinosunu təqdim ediləcəyi əks olunub. Həmçinin “Vestern” rubrikası ümumiyyətlə TRT-nin efir proqramından yığışdırılıb.

Qeyd edək ik, bundan əvvəl Türkiyənin xarici işlər naziri Mövlut Çavuşoğlu ABŞ-ın Ankaraya qarşı yürütdüyü siyasəti kovboyların davranışına bənzətmişdi: “Əgər Vaşinqton kovboy filmlərindəki kimi “nə istəyirəm, onu da edirəm” prinsipi ilə hərəkət etsə, biz də cavab verəcəyik.”

Leyla Elbrusqızı
AzVision.az



Teqlər: Türkiyə   TRT   ABŞ  





Xəbər lenti