BMT-dən kritik İdlib açıqlaması – Kimyəvi silah istifadə ediləcək

BMT-dən kritik İdlib açıqlaması – Kimyəvi silah istifadə ediləcək
  30 Avqust 2018    Oxunub:1871
Birləşmiş Millətlər Təşkilatı (BMT) Rusiya, İran və Türkiyəyə Suriyanın İdlib təhlükəsizlik zonasında keçiriləcək istənilən hərbi əməliyyatın milyonlarla mülki əhaliyə təsir edəcəyi, həmçinin, kimyəvi savaşa yol açacağına dair xəbərdarlıq edib.
AzVision.az xəbər edir ki, bu barədə BMT-nin Suriya üzrə xüsusi nümayəndəsi Staffan de Mistura bəyan edib. Onun sözlərinə görə, İdlibdə çox sayda xarici hərbçilər və 10 min nəfər də silahlı terrorçular yerləşib. Bu səbəbdən İdlibə hərbi hücum planlaşdırmaq əvəzinə, bölgəyə humanitar dəhlizlərin açılmasına kömək edilməlidir.

Mistura xüsusilə xəbərdarlıq edib ki, İdlibə hücum həyata keçirilərsə, bu, oradakı müxtəlif silahlı qrupları kimyəvi silahdan istifadəyə təşviq edəcək.

Qeyd edək ki, Rusiya və İranın dəstəyilə Bəşər Əsəd hökumətinə bağlı ordunun suriyalı müxalifətin son dayaq nöqtəsi olaraq bilinən, "Əl Qaidə"nin qolu “Həyat Təhriri Şam” qruplaşmasının nəzarətində olan İdlibə hücum planlaşdırdığına dair məlumatlar yayılıb. Ötən həftə Moskvaya səfərində rusiyalı həmkarı Sergey Lavrovla görüşən Türkiyə xarici işlər naziri Mövlud Çavuşoğlu bəyan etmişdi ki, radikal qrupları neytrallaşdırmaq üçün İdlibə hücum etmək humanitar fəlakət olacaq, 3,5 milyon insan yenidən qaçqın düşəcək. Türkiyəli nazirin fikrincə, bu cür hücum planı Astana danışıqlarının ruhuna ziddir.

Leyla Elbrusqızı
AzVision.az


Teqlər: Türkiyə   Suriya   Rusiya   BMT  





Xəbər lenti