İslam Əməkdaşlıq Təşkilatına üzv ölkələrin Ticarət Sərgisi keçiriləcək

  23 Oktyabr 2013    Oxunub : 326
İslam Əməkdaşlıq Təşkilatına üzv ölkələrin Ticarət Sərgisi keçiriləcək
İran Azərbaycana İƏT-in beynəlxalq ticarət sərgisində ekspozisiya üçün yer ayırıb.
AzVision.az xəbər verir ki, 2013-cü il 28 oktyabr-1 noyabr tarixlərində Tehran Beynəlxalq Sərgi Meydanında İslam Əməkdaşlıq Təşkilatına (İƏT) üzv ölkələrin 14-cü Ticarət Sərgisi keçiriləcək. Bu barədə Trend İqtisadiyyat və Sənaye Nazirliyinin rəsmi saytına istinadən məlumat verir.

Beynəlxalq sərgi İranın Sənaye, Mədən və Ticarət Nazirliyi, Ticarətin İnkişafı üzrə İslam Mərkəzi və "Iran International Exhibitions Co" şirkəti tərəfindən təşkil olunur.

Sərgidə iştirak üçün Azərbaycan Respublikasına 21 kvadratmetr ödənişsiz yer ayrılıb. Digər əlavə təchiz edilmiş hər kvadratmetr yer üçün 190 ABŞ dolları, təchiz edilməmiş yer üçün isə 175 dollar müəyyən edilib.

Tədbir təşkilatçıları Azərbaycan Respublikasında fəaliyyət göstərən sahibkarları və işgüzar dairələri Tehran şəhərində keçiriləcək beynəlxalq sərgidə iştiraka dəvət edirlər.

14-cü Ticarət Sərgisində iştirakda maraqlı olan ölkə sahibkarları və işgüzar dairələr ətraflı məlumatları aşağıda qeyd edilmiş əlaqə koordinatlarından əldə edə bilərlər:

"Iran International Exhibitions Co" şirkəti, ünvan: Tehran Beynəlxalq Sərgi Meydanı, Şahid Çamran şosesi, 19395

Telefon: +982122662698; Faks: +982122662699

E-mail: [email protected]

İnternet səhifəsi: www.iranfair.com

Teqlər: