ABŞ Ermənistanın yeni müttəfiqidir?- VİDEO

ABŞ Ermənistanın yeni müttəfiqidir?- VİDEO
  06 Mart 2013    Oxunub:844
ABŞ səfiri: "İrəvan bir tərəfdaşdan asılı ola bilməz"
Ermənistan müxalifətinin ABŞ-ın İrəvandakı səfirliyi qarşısında Obama əleyhinə keçirdiyi etiraz aksiyası nəticəsini verib. Belə ki,ABŞ-ın ermənistanakı səfiri Con Heffern öz videobloqunda yayımladığı görüntü ilə Ermənistan və Rusiyanı yaxından maraqlandıran açıqlamalar verib. Ermənistana kömək etmək istədiklərini deyən səfir, hətta ölkədə daxili islahatlara belə müdaxilə etmək niyyətində olduqlarını gizlətməyib. Con Heffern, İrəvanı Qərbə daha da yaxınlaşdırmaqda maraqlı olduqlarını bəyan edib:

"Bizim buradakı missiyamız Ermənistandakı islahatlara dəstək vermək, bununla İrəvanı qərbə istiqamətləndirməkdir. Və biz bu dəstəyi davam etdirəcəyik". Con Heffern dolayı yolla Rusiyanın da bostanına daş atıb. Ermənistanın Rusiyanın forpostuna çevrildiyini üstüörtülü şəkildə vurğulayan səfir, regiondakı bu status-kvonu pozmaq istədiklərinə işarə vurub:

"Biz Ermənistanın qarşısındakı seçimləri artırırıq. Çünki heç bir dövlət sadəcə bir tərəfdaşdan asılı ola bilməz. Bu seçimlər arasında qərblə yaxınlaşma da var". Qeyd edək ki, ABŞ prezidenti Barak Obamanın Serj Sarqsyanı ikinci müddətə prezident seçilməsi münasibəti ilə təbrik etməsi, Ermənistanda etirazlara səbəb olub. ABŞ-ın İrəvandakı səfirliyinin qarşısına toplaşan rejim əleyhdarları səfir Con Hefferndən Sarqsyana göndərilmiş təbriklə bağlı açıqlama tələb etmişdi.

AzVision.az




Teqlər:  





Xəbər lenti