Kanadanın baş naziri İrəvanda Qarabağdan danışdı

  13 Oktyabr 2018    Oxunub : 4507
Kanadanın baş naziri İrəvanda Qarabağdan danışdı
Kanada Dağlıq Qarabağ münaqişəsinin sülh yolu ilə nizamlanacağına ümid edir.

AzVision.az xəbər verir ki, bu barədə İrəvanda səfərdə olan Kanada baş naziri Castin Trüdo erməni həmkarı Nikol Paşinyanla keçirdiyi birgə mətbuat konfransında çıxışı zamanı deyib.
Dağlıq Qarabağ münaqişəsinin nizamlanması üçün danışıqların aparılması vacibdir. Minsk qrupunun vasitəçilik prosesi davam etdirilməli və region xalqlarının xeyrinə olan sülh nizamlanmasına nail olunmalıdır”, – Kanadanın baş naziri bildirib.

Paşinyan isə öz növbəsində, münaqişənin həlli yolunda indiyək keçirilən görüşlər və əldə olunan razılıqlar barədə kanadalı həmkarını məlumatlandırıb. O, vurğulayıb ki, Dağlıq Qarabağ münaqişəsi danışıqlar vasitəsilə yalnız sülh yolu ilə həll olunmalıdır.

Leyla Elbrusqızı
AzVision.az

Teqlər: Ermənistan   Kanada   DağlıqQarabağ