Sarkisyandan Paşinyana Qarabağ xəbərdarlığı
Azvision.az xəbər verir ki, bu barədə Ermənistanın keçmiş müdafiə naziri Vigen Sarkisyan “Facebook”dakı səhifəsində bəyan edib.
Sabiq prezident Serj Sarkisyan komandasının üzvü olan müdafiə nazirinin rəqib Paşinyana bu çağırışı və məsləhətini çoxları təəccüblə qarşılayıb. Lakin erməni ekspertlərə görə, Sarkisyan bununla ən azı Paşinyan hökumətinin gələcəkdə Qarabağ münaqişəsilə bağlı ata biləcəyi səhv addımlar və bunun Ermənistan üçün mənfi nəticələri barədə xəbərdarlıq edib. Çünki əgər Paşinyan növbədənkənar seçkilərlə parlamenti əsasən öz tərəfdarları ilə doldursa, nə zamansa münaqişənin həlli üçün qəti addımlar atmağa məcbur ediləndə onun verəcəyi qərarı parlamentin rədd etməsi absurd görünəcək və Ermənistana təzyiqlər daha da artacaq. Odur ki, digər siyasi qüvvələrin parlamentdəki cüzi mandatı ilə İrəvan Qarabağ məsələsində bu cür manevr imkanından məhrum ola bilər.
Bu səbəbdən erməni ekspertlərin fikrincə, Sarkisyan əslində Paşinyana “öz hakimiyyətini gücləndirmək naminə Ermənistanın təhlükəsizliyində başlıca məsələ olan Qarabağ münaqişəsilə bağlı faydalı rıçaqı qurban vermə” mesajını verib. Və bu, məsləhət yox, xəbərdarlıqdır. Çünki bundan əvvəl də Respublikaçılar Paşinyanın oyunlarına qarışmayacaqlarını, yalnız yeni hökumət Dağlıq Qarabağ münaqişəsində səhvə yol verərsə ciddi hərəkətə keçəcəklərini bəyan etmişdi.
Leyla Elbrusqızı
Azvision.az
Teqlər: Ermənistan DağlıqQarabağ