Rus hərbçiləri öldürən suriyalılar interpola verildi
Azvision.az xəbər verir ki, bu barədə Rusiyanın İstintaq Komitəsinin saytında yerləşdirilən məlumatda deyilir.
Bildirilir ki, əldə edilən sübutların məcmusuna əsaslanaraq, Suriyanın 9 vətəndaşının cinayət işinə cəlb olunması barədə qərar çıxarılıb. Onların hər biri beynəlxalq axtarışa verilib.
“Onların hər biri qanunsuz silahlı birləşmənin fəaliyyətində iştirak, həmçinin iştirak dərəcələrinə görə, cinayət törətmək və cinayətə təşəbbüsdə, ölənin cəsədi üzərində alçaldıcı hərəkətlər etməkdə, silahların, döyüş sursatları və şəxsi mülkiyyətin oğurlanmasında ittiham olunurlar”, - deyə İstintaq Komitəsinin məlumatında yazılıb.
Leyla Elbrusqızı
Azvision.az