Kaşoqinin cəsədi ərəb iş adamının villasında axtarıldı
AzVision.az Türkiyə KİV-lərinə istinadən xəbər verir ki, bu məqsədlə Yalova bölgəsinin Samanlı kəndində yerləşən villada axtarışlar aparılıb.
Axtarışlarla bağlı Yalova valisi Muammer Erol bildirib: “İstanbul Baş Prokurorluğu tərəfindən Samanlı kəndində ərəb iş adamına aid villada axtarış aparılıb. Axtarışın mahiyyəti və nəticələri barədə lazımı açıqlama baş prokurorluq tərəfindən veriləcək”.
Qeyd edək ki, Səudiyyə Ərəbistanı jurnalist Camal Kaşoqinin səfirlikdə baş verən qarşıdurma zamanı qətlə yetirildiyini açıqlasa da, onun cəsədinin yeri barədə məlumat verməyib.
Kənan Məmmədov
Azvision.az
Teqlər: Kaşoqqi Türkiyə Axtarış