Sloveniyada Sovet İttifaqı Qəhrəmanı Mehdi Hüseynzadənin 95 illik yubileyi keçiriləcək.
Azərbaycanın Avstriya, Slovakiya və Sloveniyadakı səfirliyi və Sloveniya Müdafiə Nazirliyi tərəfindən dekabrın 22-də İkinci Dünya Müharibəsi zamanı Sloveniya torpaqlarının azadlığı uğrunda faşizmə qarşı döyüşən Sovet İttifaqı Qəhrəmanı Mehdi Hüseynzadənin 95 illik yubileyinin keçirilməsinə dair birgə qərara gəlinib.
Səfirlikdən verilən məlumata görə, bununla əlaqədar müvafiq tədbirlərin həyata keçirilməsi nəzərdə tutulur.
Sloveniya Poçtu və “Azərmarka” şirkəti tərəfindən Mehdi Hüseynzadənin 95 illik yubileyinə həsr edilmiş poçt markasının, sloven yazıçısı Peter Amalettinin Mehdi Hüseynzadəyə həsr edilmiş “Mixaylonun qisası” adlı 2 cildlik romanının təqdimatı, həmçinin iki sənədli “Təxəllüsü Mixaylodur” və “Rus batalyonu” adlı filmlərin nümayişi keçiriləcək. Bundan başqa, Azərbaycan tərəfindən M.Hüseynzadənin dəfn edildiyi yerdə yeni memorial kompleksinin açılışı da nəzərdə tutulur.
Qeyd edək ki, noyabrın 17-də M.Hüseynzadənin həlak olduğu Vitovlye kəndindən dəfn edildiyi Çepovan kəndinədək (17,8 km) onun xatirəsinə həsr olunmuş marafon keçiriləcək.(apa)
Sloveniyada Mehdi Hüseynzadənin yubileyi keçiriləcək
01 Noyabr 2013
Oxunub:2450
Vaxtında, Aydın, Lazımlı!
-1736953175.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
