10 ildən sonra ilk qatar yola düşdü
Azvision.az Cənubi Koreya KİV-nə istinadən xəbər verir ki, “birləşmə qatarı” adlanan və 6 vaqondan ibarət qatarda Cənubun birləşmə naziri Ço Myon Qyun, torpaq və nəqliyyat naziri Kim Hyon Mi, siyasi partiya və parlament üzvləri gedirlər.
Qeyd edək ki, Koreyalararası son qatar səfəri 2007-ci ilin dekabrında Seul tərəfindən Pxenyana münasibətdə həyata keçirilən “günəş istisi” siyasəti çərçivəsində baş tutub və Cənubdan Şimala müxtəlif yüklər daşınıb. Lakin münasibətlərdə yaranmış gərginlik ikitərəfli dəmiryol nəqliyyatının bağlanmasilə nəticələnib.
Leyla Elbrusqızı
Azvision.az