Rusiyalı politoloq Qarabağa görə İranı 7 yerə parçalamağı təklif etdi

  30 Noyabr 2018    Oxunub : 4233
Rusiyalı politoloq Qarabağa görə İranı 7 yerə parçalamağı təklif etdi
“Dağlıq Qarabağ münaqişəsi “dondurulmunş” olaraq qalmalıdır”

Azvision.az erməni KİV-nə istinadən xəbər verir ki, bunu “Lazarev klubu”nun İrəvanda keçirilən iclasında çıxış edən rusiyalı politoloq Stanislav Tarasov deyib.
Rusiyanın Ermənistanın təhlükəsizliyinin qarantı olduğunu və bu mənada, İrəvan-Moskva münasibətlərinin daha da möhkəmləndirilməsinin vacibliyini vurğulayan Tarasov çıxışında regiondakı vəziyyətə və təhlükəsizlik problemlərinə xüsusi diqqət çəkib.

Olduqca “orijinal” və bir o qədər də absurd fikir səsləndirən Tarasov hesab edir ki, regional sabitliyin bərqərar olması Qarabağ münaqişəsinin həllindən daha çox İrandan asılıdır. İran məsələsinin böyük narahatlıq doğurduğunu deyən rusiyalı politoloqun fikrincə, hətta Qarabağ münaqişəsinin “həlli” və regionda vəziyyətin normallaşması İranın 7 hissəyə parçalanaraq onlardan birinin “Azərbaycan” adlandırılması yolu ilə mümkün ola bilər.

“Bu cür variant Azərbaycan və Qarabağa toxunmaya bilməz”, - deyə Tarasov vurğulayıb.

Leyla Elbrusqızı
Azvision.az

Teqlər: Ermənistan   İran   Azərbaycan   Rusiya   Qarabağ