Üç ölkə arasında tarixi müqavilə imzalandı
“Bu yeni müqavilə Meksika, Kanada və ABŞ-ın gələcək rifahını və innovativ inkişafını təmin edəcək” – imzalanma mərasimindən öncə çıxış edən Tramp bildirib.
ABŞ-Meksika-Kanada Razılaşması (USMCA) adlanan yeni üçtərəfli ticarət paktı 25 illik NAFTA müqaviləsinin bəzi dəyişikliklər edilmiş yenilənmiş formasıdır. Dəyişikliklər əsasən maşın ticarəti, yeni ekoloji və əmək standartları ilə bağlıdır. Lakin müqavilənin qüvvəyə minməsi üçün hər üç ölkənin qanunverici orqanları tərəfindən ratifikasiya edilməlidir.
Qeyd edək ki, Şimali Amerika Azad Ticarət Zonası haqqında müqavilənin yenilənməsini Tramp tələb etmişdi və bununla bağlı bir ildən çox Kanada və Meksika ilə danışıqlar aparılıb.
Leyla Elbrusqızı
Azvision.az
Teqlər: Kanada Meksika ABŞ NAFTA G20