Sankt-Peterburqda MDB liderlərinin görüşü keçirilib
Zirvə görüşünün əvvəlcədən müəyyənləşdirilmiş konkret gündəliyi olmayıb. Liderlər cari ildəki əməkdaşlığın yekunlarını, əvvəllər əldə olunmuş razılaşmaların icrası və MDB məkanında müxtəlif sahələrdə qarşılıqlı faydalı əməkdaşlığın gücləndirilməsi və gələcək inkişafını müzakirə ediblər.
Qeyd edək ki, görüşdə Rusiya və Azərbaycan prezidentləri ilə yanaşı, Belarus, Qazaxıstan, Qırğızıstan, Moldova, Tacikistan, Türkmənistan, Özbəkistan prezidentləri, həmçinin, Ermənistanın baş naziri səlahiyyətlərinin icraçısı Nikol Paşinyan da iştirak edib.
MDB dövlət başçılarının qeyri-rəsmi zirvə görüşü Rusiyanın ilk müasir əyləncə-mədəniyyət mərkəzi olan “Leninqrad Mərkəzi”ndə keçirilib. Mərkəz Potyomkin küçəsində, 100 ildən çox mədəniyyət və incəsənət tarixi olan iqamətgahda yerləşir.
Leyla Elbrusqızı
Azvision.az
Teqlər: Rusiya MDB Azərbaycan