Tağı Əhmədov Milli Şuranı topa tutdu

Tağı Əhmədov Milli Şuranı topa tutdu
  04 Noyabr 2013    Oxunub:912
“Müxalifət sağlam mübarizə aparmalıdır. Müxalifətin yoxluğu 9 oktyabr prezident seçkilərində xalqın «Milli Şura»nın namizədinə münasibətindən aydın göründü”.
AzVision.az-ın xəbərinə görə, bu fikirləri Bakı Metropoliteninin rəisi Tağı Əhmədov hakim partiyanın saytına verdiyi müsahibəsində bildirib.

T.Əhmədov müxalifəti xaricdən maddi dəstək almaqda ittiham edib:

“Ölkəmizin uğurlarını müxalifət də görür. Amma bunu etiraf edə bilmədiyi üçün nəsə deməyə çalışır. Demokratik cəmiyyətdə müxalifət olmalıdır. Təbii ki,söhbət sağlam müxalifətdən gedir. Müxalifət dövlətçiliyə qəsd, Dağlıq Qarabağ məsələsində neqativ hallara yönəlirsə bu müxalifətçilik deyil. Müxaliflər xaricdən aldıqları maddi dəstəklə 1-2 nəfəri ətraflarına toplamaqla düşünürlər ki, sosial bazaları var. Amma bu, onların fərziyyələridir. Müxalifətin «varlığı» «qara piar» və qarayaxmadan başqa bir şey deyil”-deyə metropoliten rəisi vurğulayıb.

AzVision.az


Teqlər:





Xəbər lenti