Ermənistanda rusdilli televiziya proqramı bağlanıb

   Ermənistanda rusdilli televiziya proqramı bağlanıb
  15 Dekabr 2018    Oxunub:7587
Ermənistanda "Nə? Harda? Nə vaxt" televiziya proqramı yeni mövsümdən sırf erməni dilində yayımlanacaq.
Azvision.az TASS-a istinadən xəbər verir ki, bu barədə Ermənistanın təhsil və elm naziri səlahiyyətlərini icra edən Araik Arutyunyan bildirib.

"Layihə yeni mövsümdən sırf erməni dilində efirə çıxacaq. Hökumət proqram üçün 17 milyon dram (təxminən 35 min dollar) vəsait ayıracaq. Mən təşkilatçıları dəfələrlə oyunu rus dilində apardıqlarına görə tənqid etmişəm", - deyə Arutyunyan özünün "facebook" səhifəsində yazıb.

Bununla da Ermənistanda rus dilində çıxan sonuncu televiziya proqramı bağlanıb. Bir neçə gün əvvəl məlum olub ki, Ermənistanı tərk edərək Rusiyada vətəndaşlıq alan ermənilərin sayı artıb.

Azvision.az





Teqlər: Ermənistan  





Xəbər lenti