Erməni gənclər əsgər getməmək üçün aksiya keçirdilər - VİDEO

  15 Dekabr 2018    Oxunub : 9709
 Erməni gənclər əsgər getməmək üçün aksiya keçirdilər - VİDEO
Gürcüstanın Ermənistanla sərhəddindəki Ninoçminda-Bavra nəzarət-keçid məntəqəsində Cavaxetiyada yaşayan və yaşı 27-dək olan erməni gənclər etiraz aksiyası keçiriblər.
Azvision.az erməni KİV-nə istinadən xəbər verir ki, aksiyaçılar ikili vətəndaşlığa və Ermənistan pasportuna malik olduqlarını, bu səbəbdən Rusiyadan evə qayıdarkən çətin vəziyyətə düşdüklərini bildiriblər.

Etirazçıların sözlərinə görə, indi onları ya məcburən Ermənistan ordusunda xidmətə çağıracaqlar, ya da bundan imtina etsələr 5 il həbs cəzası alacaqlar. Bildirilib ki, hazırda 5 mindən çox erməni eyni səbəbə görə axtarışa verilib və bu, isə onlara qarşı haqsızlıqdır.

Gürcüstan-Ermənistan sərhəddinə yığışan etirazçılar onu da bəyan ediblər ki, İrəvana gedib Ermənistan Polisinin rəisi Valeri Osipyanla görüşərək bu problemin birdəfəlik həllini tələb edəcəklər.



Leyla Elbrusqızı
Azvision.az




Teqlər: Ermənistan   Gürcüstan   Ordu