Çavuşoğlu Moskvaya gedir: “ABŞ-ın qərarı sürpriz oldu”

Çavuşoğlu Moskvaya gedir: “ABŞ-ın qərarı sürpriz oldu”
  25 Dekabr 2018    Oxunub:4582
Türkiyənin xarici işlər naziri Mövlud Çavuşoğlu ABŞ qoşunlarının Suriyadan çıxarılması məsələsini Moskva ilə müzakirə etmək üçün Rusiyaya səfər edəcək.

Azvision.az
“ABŞ-ın Suriyadan çəkilmə qərarı sürpriz oldu, amma məqsədyönlü bir sürpriz oldu. Suriyadakı nizamlanma prosesində bir boşluq yaranmaması üçün yaxın günlərdə Rusiyaya səfər edərək məsləhətləşmələr aparacağıq. Orada ABŞ qoşunlarının çıxarılması və Suriyada siyasi nizamlanma məsələsini müzakirə edəcəyik.” – Çavuşoğlu bəyan edib.

Qeyd edək ki, ABŞ Suriyanın şimal-şərqində kürdlərə dəstək üçün göndərdiyi hərbçilər daxil olmaqla, bu ölkə ərazisindəki bütün qoşunlarını çıxaracağını bəyan etdikdən sonra Türkiyənin hərbi rəhbərliyi Menbiçdə və Fəratdan şərqə doğru yeni əməliyyatlara hazırlıq getdiyini bildirib. Lakin Türkiyə prezidenti Rəcəb Tayyip Ərdoğan bəyan edib ki, ABŞ qoşunlarının çıxarılması ilə əlaqədar əməliyyatların başlanmasına bir qədər fasilə verəcəyinə dair amerikalı həmkarına söz verib.

Leyla Elbrusqızı
Azvision.az



Teqlər: Suriya   Türkiyə   ABŞ   Rusiya  



Xəbər lenti


Azvision.az ©2014 | Bütün hüquqları qorunur